മൂവാറ്റുപുഴ: ടൗൺ വികസനം വേഗത്തിലാക്കണമെന്ന് എ.ഐ.വൈ.എഫ് മണ്ഡലം കൺവെൻഷൻ ആവശ്യപ്പെട്ടു. നഗരത്തിലെ ഗതാഗതക്കുരുക്ക് പരിഹരിക്കാനും മറ്റുള്ള യാത്ര സൗകര്യങ്ങൾക്കും പോസ്റ്റ് ഓഫിസ് ജങ്ഷൻ മുതൽ നെഹ്റുപാർക്ക് വരെ ടൗൺവികസനം അത്യന്താപേക്ഷിതമാണ്. ഇതിന് നടപടിക്രമം വേഗത്തിലാക്കണമെന്നും സമ്മേളനം ആവശ്യപ്പെട്ടു. സി.പി.ഐ ജില്ല എക്സിക്യൂട്ടിവ് അംഗം എൽദോ എബ്രഹാം എം.എൽ.എ ഉദ്ഘാടനം ചെയ്തു. കെ.ഇ. ഷാജി അധ്യക്ഷത വഹിച്ചു. എൽദോസ് പുത്തൻപുര, മണ്ഡലം സെക്രട്ടറി ജി. രാകേഷ്, എ.ഐ.വൈ.എഫ് സംസ്ഥാന കമ്മിറ്റിയംഗം പി.കെ. രാജേഷ്, എ.ഐ.വൈ.എഫ്. ജില്ല സെക്രട്ടറി എൻ. അരുൺ, വിൽസെൻറ് ഇല്ലിക്കൻ, കെ.എ. നവാസ് എന്നിവർ സംസാരിച്ചു. പുതിയ ഭാരവാഹികളായി കെ.ബി. നിസാർ (പ്രസി.) കെ.ഇ. ഷാജി (സെക്ര.), പി.എസ്. ശ്രീശാന്ത്, സി.എൻ. ഷാനവാസ് (വൈസ് പ്രസി.), പി.ബി ശ്രീരാജ്, ജോർജ് വെട്ടിക്കുഴി (ജോ. സെക്ര.) എന്നിവരെ തെരഞ്ഞെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.