കൊച്ചി: മെട്രോ ട്രെയിൻ ഓട്ടത്തിനിടെ പണിമുടക്കി. വ്യാഴാഴ്ച രാവിലെ 8.20ന് അമ്പാട്ടുകാവ്-മുട്ടം സ്റ്റേഷനുകൾക്കിടയിലാണ് സംഭവം. ട്രെയിൻ ട്രാക്കിൽ നിന്നുപോവുകയായിരുന്നു. ഇതോടെ മറ്റുട്രെയിനുകളും വിവിധ സ്റ്റേഷനുകളിൽ പിടിച്ചിട്ടു. ജോലിക്കും മറ്റുമായി എറണാകുളത്തേക്ക് വരുകയായിരുന്ന നിരവധി പേരുണ്ടായിരുന്നു. ജീവനക്കാർ അറിയിച്ചതിനെത്തുടർന്ന് മറ്റൊരു ട്രെയിനെത്തി വലിച്ചുകൊണ്ടുപോയി മുട്ടം സ്റ്റേഷനിലെത്തിച്ചു. യാത്രക്കാരെ മറ്റൊരു ട്രെയിനിൽ കയറ്റിയാണ് യാത്ര തുടർന്നത്. അറ്റകുറ്റപ്പണിക്കുശേഷം 9.40ഒാടെ ട്രെയിൻ യാത്രക്ക് സജ്ജമായി. കേബിൾ തകരാറാണ് നിന്നുപോകാൻ കാരണമെന്ന് അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.