കോലഞ്ചേരി: വടയമ്പാടിയിലെ ദലിത് ഭൂസമരം കൂടുതൽ ശക്തമാക്കാൻ സമര സമിതി തീരുമാനം. ഇതിെൻറ ഭാഗമായി അടുത്ത മാസം നാലിന് വടയമ്പാടിയിൽ ദലിത് ആത്മാഭിമാന സദസ്സ് സംഘടിപ്പിക്കും. പൊലീസ് നടപടിക്കെതിരെ നിയമ നടപടി ശക്തമാക്കാനും സമരസമിതി തീരുമാനിച്ചു. സംസ്ഥാന-ദേശീയ മനുഷ്യാവകാശ കമീഷൻ, പട്ടികജാതി കമീഷൻ എന്നിവക്ക് പരാതി നൽകും. സ്ഥലത്തിെൻറ പട്ടയത്തിെൻറ നിയമ സാധുത പരിശോധിക്കണമെന്ന സി.പി.എം നിലപാടിനെ സമര സമിതി സ്വാഗതം ചെയ്യുന്നുണ്ട്. ഇക്കാര്യത്തിൽ സി.പി.എമ്മിെൻറ ഭാവി നിലപാടുകൾ വിലയിരുത്തിയശേഷം തുടർ നടപടികൾ സജീവമാക്കാനാണ് തീരുമാനം. സമരത്തിൽ ദേശീയതലത്തിലെ ദലിത് നേതാക്കളെ എത്തിക്കാനും ശ്രമമുണ്ട്. സമരത്തിൽ സി.പി.എമ്മിെൻറ കടന്നുവരവിനെ നിലവിൽ കോളനിയിലെ ദലിത് കുടുംബങ്ങളും സ്വാഗതം ചെയ്യുന്നുണ്ട്. സമരം ദേശീയതലത്തിലും ചർച്ച ചെയ്യപ്പെടുമെന്ന സൂചനകളുണ്ട്. തിങ്കളാഴ്ച വൈകീട്ട് ദേശീയ മാധ്യമങ്ങളടക്കം മാധ്യമങ്ങളുടെ നിരതന്നെ കോളനിയിലെത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.