ആലുവ: മാനദണ്ഡങ്ങൾ ലംഘിച്ച് ജീവനക്കാരെ സ്ഥലംമാറ്റുന്ന നടപടിയിൽനിന്ന് സ്റ്റേറ്റ് ബാങ്ക് ഓഫ് ഇന്ത്യ സർക്കിൾ മാനേജ്മെൻറ് പിന്തിരിയണമെന്ന് ട്രാവൻകൂർ സ്റ്റേറ്റ് ബാങ്ക് എംപ്ലോയീസ് അസോസിയേഷൻ (ടി.എസ്.ബി.ഇ.എ) സംസ്ഥാന ജനറൽ കൗൺസിൽ ആവശ്യപ്പെട്ടു. -എസ്.ബി.ഐയിൽ എസ്.ബി.ടി ലയിപ്പിച്ചശേഷം ജീവനക്കാരെ അന്യായമായി സ്ഥലംമാറ്റുകയാണ്. ഇത് ജീവനക്കാരിൽ അസ്വസ്ഥത ഉണ്ടാക്കുകയാണ്. ഇതിന് ബാങ്ക് അധികൃതർക്കെതിരെ തൊഴിൽ തർക്ക നിയമപ്രകാരം പ്രോസിക്യൂഷൻ നടപടി സ്വീകരിക്കണമെന്ന് ചീഫ് ലേബർ കമീഷണറോട് ആവശ്യപ്പെട്ടു. അന്യായമായ സർവിസ് ചാർജ് പിൻവലിക്കുക, സേവിങ്സ് ബാങ്ക് പലിശ നിരക്ക് കുറച്ച നടപടി തിരുത്തുക, മിനിമം ബാലൻസ് ഇല്ലാത്തതിെൻറ പേരിൽ ഈടാക്കുന്ന പിഴ സമ്പ്രദായം നിർത്തലാക്കുക തുടങ്ങിയ ആവശ്യങ്ങളും ഉന്നയിച്ചു. എ.ഐ.ബി.ഇ.എ സംസ്ഥാന ജനറൽ സെക്രട്ടറി സി.ഡി. ജോസൺ സമ്മേളനം ഉദ്ഘാടനം ചെയ്തു. ടി.എസ്.ബി.ഇ.എ പ്രസിഡൻറ് അനിയൻ മാത്യു അധ്യക്ഷത വഹിച്ചു. ജനറൽ സെക്രട്ടറി കെ.എസ്. കൃഷ്ണ റിപ്പോർട്ട് അവതരിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.