പറവൂർ: മാലിന്യം കിടക്കുന്ന സ്ഥലങ്ങൾ നഗരസഭാധികൃതരെ അറിയിക്കാൻ മൊബൈൽ ആപ് ഒരുങ്ങുന്നു. കേന്ദ്ര സർക്കാറിന്റെ 'സ്വച്ഛത ആപ്' ആണു പ്രാവർത്തികമാക്കുന്നത്. മൊബൈൽ ഫോണിൽ ആപ് ഇൻസ്റ്റാൾ ചെയ്യുന്നവർക്കു നഗരത്തിലെ മാലിന്യക്കൂമ്പാരത്തിെൻറ ചിത്രമെടുത്ത് ആപ് വഴി നഗരസഭയെ വിവരമറിയിക്കാം. മൂന്നു ദിവസത്തിനുള്ളിൽ അതു വൃത്തിയാക്കുമെന്ന് നഗരസഭാധ്യക്ഷൻ രമേഷ് ഡി. കുറുപ്പ് പറഞ്ഞു. അടുത്ത ആഴ്ചയോടെ ഇതു പ്രവർത്തനം ആരംഭിക്കും. ശുചിത്വ പദ്ധതികളുടെ ഭാഗമായി മുനിസിപ്പൽ പാർക്കിലും മാർക്കറ്റിലും ശുചിമുറികൾ നിർമിക്കുമെന്ന് നഗരസഭാധ്യക്ഷൻ അറിയിച്ചു. 'സ്വച്ഛ് സർവേക്ഷൻ - 2018': വിദഗ്ധസംഘം എട്ടിന് പറവൂരിലെത്തും പറവൂർ: ഇന്ത്യയിലെ വൃത്തിയും വെടിപ്പുമുള്ള നഗരങ്ങൾ െതരഞ്ഞെടുക്കുന്നതിനായി സ്വച്ഛ് ഭാരത് മിഷൻ നടത്തുന്ന 'സ്വച്ഛ് സർവേക്ഷൻ - 2018'െൻറ ഭാഗമായി വിദഗ്ധസംഘം എട്ടിന് പറവൂരിലെത്തും. നഗരസഭയുടെ ശുചിത്വപ്രവർത്തനങ്ങൾ വിലയിരുത്തും. മാതൃക നഗരസഭയായി െതരഞ്ഞെടുത്തതിനാൽ സംഘം ജില്ലയിൽ ആദ്യമെത്തുന്നത് പറവൂരിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.