പിറവം: പിറവത്തെ ഇരുദേവാലയങ്ങളിലെ പെരുന്നാൾ പ്രദക്ഷിണം വെള്ളിയാഴ്ച തുടങ്ങും. പേപ്പതി ചാപ്പലില്‍നിന്ന് രാജാധിരാജ സെൻറ് മേരീസ് കത്തീഡ്രലിലേക്കുള്ള പ്രദക്ഷിണം വൈകീട്ട് 4.30ന് പുറപ്പെടും. പേപ്പതി പിറവം റോഡിലെ കുരിശടികളില്‍ ധൂപ പ്രാർഥനയും ആശീര്‍വാദവും നടത്തും. പ്രദക്ഷിണം രാത്രി പേത്താടെ ടൗണ്‍ ചുറ്റി പള്ളിയില്‍ സമാപിക്കും. രാവിലെ ഏഴിന് പ്രാർഥന, ദനഹ ശുശ്രൂശ ആരംഭിക്കും. ഡോ. ജോസഫ് മോര്‍ ഗ്രീഗോറിയോസ് മെത്രാപ്പോലീത്ത മുഖ്യകാര്‍മികത്വം വഹിക്കും. മെത്രാപ്പോലീത്തമാരായ ഡോ. മാത്യൂസ് മോര്‍ ഈവാനിയോസ്, ഐസക് മോര്‍ ഒസ്താത്തിയോസ് എന്നിവര്‍ സഹകാര്‍മികത്വം വഹിക്കും. വൈകീട്ട് ഏഴിന് അഖില മലങ്കര കരോള്‍ഗാന മത്സരം. വിശുദ്ധ രാജാക്കന്മാരുടെ നാമത്തിലുള്ള ക്നാനായ കത്തോലിക്ക പള്ളിയിലേക്കുള്ള പ്രദക്ഷിണം വൈകീട്ട് ഏഴിന് കിഴക്കേ കുരിശിങ്കല്‍നിന്ന് ആരംഭിക്കും. പള്ളിപരിസരത്ത് ഭിക്ഷാടനം നഗരസഭ നിരോധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.