ശബരിമല ക്ഷേത്രത്തി​െൻറ പേര് വീണ്ടും ശ്രീധർമശാസ്ത ക്ഷേത്രം എന്നാക്കും

പത്തനംതിട്ട: ശബരിമല ക്ഷേത്രത്തി​െൻറ പേര് വീണ്ടും പഴയതുപോലെ ശ്രീധർമശാസ്ത ക്ഷേത്രം എന്ന് മാറ്റാനുള്ള തീരുമാനം ദേവസ്വം ബോർഡ് യോഗം ബുധനാഴ്ച കൈക്കൊള്ളും. കഴിഞ്ഞ ഭരണസമിതിയുടെ കാലത്ത് ക്ഷേത്രത്തി​െൻറ പേര് ശബരിമല അയ്യപ്പസ്വാമി ക്ഷേത്രം എന്നാക്കിയിരുന്നു. ദേവസ്വം ബോർഡ് അംഗീകരിച്ച പ്രമേയം റദ്ദുചെയ്യുമെന്ന് പ്രസിഡൻറ് എ. പദ്മകുമാർ 'മാധ്യമ'ത്തോട് പറഞ്ഞു. പുതിയ ഭരണസമിതി പഴയ രീതിയിൽ ശ്രീധർമശാസ്ത ക്ഷേത്രം എന്ന് ക്ഷേത്രത്തിന് നാമകരണം ചെയ്യും. ഇക്കാര്യം ബുധനാഴ്ചത്തെ യോഗത്തി​െൻറ അജണ്ടയായി ഉൾപ്പെടുത്തി. പ്രയാർ ഗോപാലകൃഷ്ണൻ ദേവസ്വം ബോർഡ് പ്രസിഡൻറായിരിക്കെയാണ് ശബരിമല ശ്രീധർമശാസ്ത ക്ഷേത്രം എന്നത് ശബരിമല ശ്രീഅയ്യപ്പസ്വാമി ക്ഷേത്രം എന്നാക്കിയത്. ഇത് പ്രതിഷേധത്തിന് ഇടയാക്കിയിരുന്നു. പ്രയാറി​െൻറ മാത്രം താൽപര്യ പ്രകാരമാണ് പേര് മാറ്റിയതെന്ന് ആരോപണമുയർന്നു. ദേവസ്വം മന്ത്രി കടകംപള്ളി സുരേന്ദ്രൻ, ബോർഡ് അംഗം കെ. രാഘവൻ എന്നിവരും ഇതിനെതിരെ രംഗത്തെത്തിയിരുന്നു . തുടർന്ന് ദേവസ്വം ബോർഡ് രേഖകളിലും കത്തിടപാടുകളിലും അയ്യപ്പസ്വാമി ക്ഷേത്രമെന്നാണ് പരാമർശിച്ചത്. ശബരിമല സ്ത്രീ പ്രവേശനവുമായി ബന്ധപ്പെട്ട കേസ് അനുകൂലമാകുന്നതിന് പേര് മാറ്റം ആവശ്യമാണെന്നായിരുന്നു പ്രയാർ ഗോപാലകൃഷ്ണൻ വിശദീകരിച്ചത്. സജി ശ്രീവത്സം