ആലുവ: . രഹസ്യാന്വേഷണ വിഭാഗത്തിലെ ഫീൽഡ് ഡ്യൂട്ടിക്കായാണ് പരീക്ഷണാടിസ്ഥാനത്തിൽ മൂന്ന് വനിത ഉദ്യോഗസ്ഥരെ നിയമിച്ചത്. റൂറൽ ജില്ല സ്പെഷൽ ബ്രാഞ്ചിൽ ആദ്യമായാണ് വനിത ഉദ്യോഗസ്ഥരെ നിയമിക്കുന്നത്. ജില്ല സ്പെഷൽ ബ്രാഞ്ചിലെ ഫീൽഡ് ഡ്യൂട്ടിക്ക് താൽപര്യമറിയിച്ച വനിത ഉദ്യോഗസ്ഥരിൽനിന്നും ജില്ല പൊലീസ് മേധാവിയുടെ മേൽനോട്ടത്തിൽ നടത്തിയ അഭിമുഖം വഴിയാണ് മൂന്ന് പേരെ നിയമിച്ചത്. ജില്ല സ്പെഷൽ ബ്രാഞ്ച് ഡിവൈ.എസ്.പിയുടെ മേൽനോട്ടത്തിലായിരിക്കും ഔദ്യോഗിക കൃത്യനിർവഹണം. തികഞ്ഞ ശുഭപ്രതീക്ഷയോടെയാണ് പുതിയ നിയമനമെന്നും വിജയകരമാണെന്ന് ബോധ്യപ്പെട്ടാൽ കൂടുതൽ വനിത ഉദ്യോഗസ്ഥരെ ജില്ല സ്പെഷൽ ബ്രാഞ്ചിൽ ഫീൽഡ് ഡ്യൂട്ടിക്കായി നിയമിക്കുമെന്നും ജില്ല പൊലീസ് മേധാവി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.