നെടുമ്പാശ്ശേരി: ഹജ്ജ് ക്യാമ്പിൽ ഹാജിമാരുടെ ബാഗേജുകൾ എടുക്കാൻ മുതൽ പ്രാർഥന ഹാളിലെ ശുചീകരണപ്രവർത്തനത്തിനുവരെ മുൻനിരയിൽനിന്ന് എ.എം.യൂസുഫ് ശ്രദ്ധേയനാകുന്നു. മുൻ ആലുവ എം.എൽ.എയായ യൂസുഫ് ഹജ്ജ് സംഘാടക സമിതി രക്ഷാധികാരികൂടിയാണ്. രക്ഷാധികാരിയാണെന്നുപറഞ്ഞ് മറ്റുള്ളവർക്ക് നിർദേശം നൽകുന്നതിനുപകരം അദ്ദേഹംതന്നെ സജീവമായി ഹാജിമാരുടെ സേവനത്തിന് മുന്നിട്ടിറങ്ങുകയാണ്. ഒരു ദിവസം പല സമയങ്ങളിലായി ഹജ്ജ് ക്യാമ്പിലെത്തും. അതുപോലെ, ആലുവ റെയിൽവേ സ്റ്റേഷനിലെ ഹജ്ജ് ഡസ്ക്കിലും സേവനത്തിനെത്തും. ഹാജിമാരുടെ ലഗേജുകൾ വാഹനത്തിൽനിന്ന് ഇറക്കുന്നതുമുതൽ പ്രായമായ ഹാജിമാരെ വാഹനത്തിൽ കയറ്റുവാൻവരെ അദ്ദേഹം സദാ സേവനനിരതനാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.