(ചിത്രം)ഓർമയും ചലനശേഷിയും നഷ്​ടപ്പെട്ട് നെൽസൺ; പ്രതീക്ഷ കൈവിടാതെ ബന്ധുക്കൾ

ആലപ്പുഴ: മത്സ്യത്തൊഴിലാളിയായ നെൽസൺ നാല് ചുവരുകൾക്കുള്ളിൽ ദുരിതം പേറി കഴിയാൻ തുടങ്ങിയിട്ട് ഒമ്പതുമാസമായി. വാഹനാപകടത്തിൽ ഗുരുതര പരിക്കേറ്റ് ദീർഘനാളായി ആശുപത്രിക്കിടക്കയിലാണ് ഈ ചെറുപ്പക്കാരൻ. ആലപ്പുഴ ബീച്ച് വാർഡിൽ ചാലത്തറയിൽ സി.ജെ. നെൽസണാണ് (28) ഓർമയും ചലനവും നഷ്ടപ്പെട്ട് കിടക്കുന്നത്. ഇദ്ദേഹത്തി​െൻറ നിസ്സഹായാവസ്ഥ വിഷമങ്ങൾ ഉള്ളിലൊതുക്കി നോക്കിനിൽക്കാനേ ഭാര്യ ശ്രീദേവിക്കും മക്കൾക്കും കഴിയുന്നുള്ളൂ. രണ്ടുമാസം മുമ്പ് പിറന്ന മക​െൻറ കളിചിരിപോലും കാണാനുള്ള ഭാഗ്യം നെൽസണുണ്ടായില്ല. കഴിഞ്ഞ ജൂലൈ 15ന് രാവിലെ കായംകുളത്തേക്ക് മത്സ്യബന്ധനത്തിനായി എൻജിൻ പിടിച്ച് വാഹനത്തിന് പിന്നിൽനിന്ന് പോയപ്പോഴാണ് നെൽസൺ അപകടത്തിൽപ്പെട്ടത്. മറ്റൊരു വാഹനത്തെ മറികടക്കുന്നതിനിടെ നെൽസണി​െൻറ തല റോഡിലെ മരത്തിൽ ഇടിക്കുകയായിരുന്നു. തലക്ക് ഗുരുതര പരിക്കേറ്റു. പലതവണ ശസ്ത്രക്രിയ നടത്തിയെങ്കിലും ഓർമയും സംസാരശേഷിയും ചലനവും തിരിച്ചുകിട്ടിയില്ല. തലയിൽ വെള്ളം കെട്ടി വീർക്കുന്ന അവസ്ഥയാണിപ്പോൾ. ചികിത്സക്കായി 10 ലക്ഷേത്താളം ചെലവായി. നെൽസണി​െൻറ വരുമാനംമാത്രം ആശ്രയിച്ചിരുന്ന കുടുംബത്തിന് ഇത് താങ്ങാനാവുന്നതിലും അപ്പുറമായിരുന്നു. ഉള്ളത് വിറ്റും കടം വാങ്ങിയുമാണ് ഇതുവരെ ചികിത്സ നടത്തിയത്. നെൽസണി​െൻറ പിതാവ് മത്സ്യത്തൊഴിലാളിയും മാതാവ് വീട്ടുജോലിക്കാരിയുമാണ്. വീടി​െൻറ ആധാരം പണയപ്പെടുത്തിയും നാട്ടുകാരുടെ ചെറിയ സഹായത്തിലുമാണ് ഇതുവരെ ചികിത്സ നടത്തിയത്. ഇത് ഒഴിവാക്കാൻ അടിയന്തര ശസ്ത്രക്രിയ വേണമെന്നാണ് ഡോക്ടർമാർ നിർദേശിച്ചിരിക്കുന്നത്. നെൽസണി​െൻറ ചികിത്സക്ക് നാട്ടുകാരുടെ നേതൃത്വത്തിൽ കോർപറേഷൻ ബാങ്കിൽ അക്കൗണ്ട് തുറന്നിട്ടുണ്ട്. വിവരങ്ങൾ: സി.ജെ. നെൽസൺ, പി.ബി. ശ്രീദേവി. ശാഖ: ചെട്ടികാട്, അക്കൗണ്ട് നമ്പർ: 520101264332187. ഐ.എഫ്.എസ് കോഡ്: സി.ഒ.ആർ.പി 0000390. ഫോൺ: 81569 19391. ക്ഷീര വളർത്തൽ പദ്ധതി: അപേക്ഷ ക്ഷണിച്ചു ആലപ്പുഴ: പട്ടികവർഗ വികസന വകുപ്പും മൃഗസംരക്ഷണ വകുപ്പും ചേർന്ന് ചേർത്തല താലൂക്കിൽ സ്ഥിരതാമസക്കാരായ പട്ടികവർഗ വിഭാഗത്തിൽപ്പെടുന്ന 10 വനിതകൾക്ക് ക്ഷീര വളർത്തൽ പദ്ധതിയായ കാമധേനു പദ്ധതി ആവിഷ്‌കരിച്ചു. 25നും 45നും ഇടയിൽ പ്രായമുള്ളതും കുറഞ്ഞത് 10 സ​െൻറ് സ്ഥലം സ്വന്തമായുള്ളതുമായ വനിതകൾക്ക് അപേക്ഷിക്കാം. പശു വളർത്തലിൽ പരിചയമുള്ളവർക്ക് മുൻഗണന. ഇൗ മാസം 30നകം ട്രൈബൽ എക്സ്െറ്റൻഷൻ ഓഫിസർ, കലക്ടറേറ്റ്, രണ്ടാംനില, ആലപ്പുഴ എന്ന വിലാസത്തിൽ അപേക്ഷ നൽകണം. വിവരത്തിന് ഫോൺ: 94960 70348.