കൊച്ചി: സംസ്ഥാന മനുഷ്യാവകാശ കമീഷൻ ആക്റ്റിങ് അധ്യക്ഷൻ പി. മോഹനദാസ് കസ്റ്റഡി മർദനമുണ്ടായ വരാപ്പുഴ പൊലീസ് സ്റ്റേഷനിലെത്തി രേഖകൾ പരിശോധിച്ചു. ശ്രീജിത്തിന് മർദനമേറ്റത് പൊലീസ് സ്റ്റേഷനിൽനിന്നുതന്നെയാണെന്ന് പറവൂർ ഗവ. ആശുപത്രിയിലെ മെഡിക്കൽ ഓഫിസർ നൽകിയ മെഡിക്കൽ സർട്ടിഫിക്കറ്റിൽനിന്ന് വ്യക്തമാണെന്ന് കമീഷൻ അഭിപ്രായപ്പെട്ടു. വെള്ളിയാഴ്ച രാത്രിയാണ് ശ്രീജിത്തിനെ അറസ്റ്റ് ചെയ്തത്. ശനിയാഴ്ച രാവിലെ പറവൂർ ഗവ. ആശുപത്രിയിലെത്തിക്കുമ്പോൾ പറയത്തക്ക രോഗങ്ങളൊന്നും ഉണ്ടായിരുന്നില്ല. പിന്നീട് ഗുരുതരാവസ്ഥയിൽ ആസ്റ്റർ മെഡ്സിറ്റിയിൽ പ്രവേശിപ്പിക്കുന്നതുവരെ ശ്രീജിത്ത് െപാലീസ് കസ്റ്റഡിയിലായിരുന്നു. പൊലീസാണ് ശ്രീജിത്തിനെ ആശുപത്രിയിലെത്തിച്ചത്. വാസുദേവെൻറ വീടിനുനേരേ നടന്ന ആക്രമണത്തിൽ ശ്രീജിത്ത് ഉണ്ടായിരുന്നില്ലെന്നും ശ്രീജിത്തിനെ പൊലീസ് മർദിക്കുന്നത് കണ്ടെന്നുമുള്ള സാക്ഷിമൊഴിയിൽനിന്ന് മർദനമേറ്റത് സ്റ്റേഷനിൽനിന്നാണെന്ന് വ്യക്തമാണെന്നും മോഹനദാസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.