വൈപ്പിൻ: നിയോജകമണ്ഡലത്തിലെ റോഡ് നവീകരണ പദ്ധതികൾക്ക് പൊതുമരാമത്ത്് വകുപ്പിൽനിന്ന്്് 12.5 കോടി അനുവദിച്ച്്് സർക്കാർ ഉത്തരവായതായി എസ്. ശർമ എം.എൽ.എ അറിയിച്ചു. വെളിയത്താംപറമ്പ് റോഡ്, മഞ്ഞനക്കാട് റോഡ്, ആറാട്ടുവഴി റോഡ്, ഹോസ്പിറ്റൽ ജങ്ഷൻ റോഡ്, മഞ്ഞനക്കാട് ജെട്ടി റോഡ്, ഇലഞ്ഞിക്കൽ ലെയ്ൻ, പെരുമ്പിള്ളി ചർച്ച് , എളങ്കുന്നപ്പുഴ- പുക്കാട് ജെട്ടി റോഡ് എന്നിവക്ക് സി.ആർ.എഫ് പദ്ധതിപ്രകാരം 11 കോടി, വൈപ്പിൻ പള്ളിപ്പുറം സംസ്ഥാന പാതയുടെ പുനരുദ്ധാരണത്തിന് ഒരുകോടി, വളപ്പ് ജങ്ഷൻ മുതൽ എ.എസ് ജങ്ഷൻ വരെ റോഡ് പുനരുദ്ധാരണത്തിന് 15 ലക്ഷം, കടമക്കുടി കുട്ടി സാഹിബ് റോഡ് പുനരുദ്ധാരണത്തിന് 25 ലക്ഷം എന്നിവയാണ് അനുവാദം ലഭിച്ച പ്രവൃത്തികൾ. ടെൻഡർ നടപടി അടിയന്തരമായി പൂർത്തീകരിക്കാൻ ഉദ്യോഗസ്ഥർക്ക് നിർദേശം നൽകിയതായി എം.എൽ.എ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.