ആരോഗ്യം വീണ്ടെടുക്കുംവരെ ആനയെ തുറവൂരിൽ നിർത്തും

തുറവൂർ: ലോറിയിൽനിന്ന് ഇരുമ്പുകൂട് തകർത്ത് ചാടി ഒാടി ചതുപ്പിൽ വീണ മുല്ലക്കൽ ക്ഷേത്രത്തിലെ ബാലകൃഷ്ണൻ എന്ന കൊമ്പനാനയെ സംഭവസ്ഥലത്തുനിന്ന് ഉടൻ മാറ്റില്ല. ആരോഗ്യം വീണ്ടെടുക്കുംവരെ അവിടെ നിർത്താനാണ് തീരുമാനം. മദപ്പാട് മാറാത്തതും പാപ്പാന്മാർക്ക് ആന മെരുങ്ങാത്തതും കാരണമാണ്. ഈ നിലക്ക് ആനയെ ഇവിടെനിന്ന് മാറ്റേണ്ടതില്ലെന്ന് ഡോക്ടറും നിർദേശിച്ചു. ആന പൂർവസ്ഥിതിയിലെത്താതെ കൊണ്ടുപോയാൽ ഇനിയും അനിഷ്ടങ്ങൾക്ക് കാരണമാകും. ആ നിലക്ക് ആനയെ അനന്തൻകരിയിൽ നിർത്തുന്നതുതന്നെയാണ് അഭികാമ്യമെന്ന് ഡോക്ടർ പറഞ്ഞു. ആനക്കുവേണ്ട ഭക്ഷണവും വെള്ളവും യഥാസമയം കൊടുക്കാൻ ആനക്കാരെയും ചുമതലപ്പെടുത്തി. വ്യാഴാഴ്ചയും ഡോക്ടർ പരിശോധിച്ച് ആനയുടെ അവസ്ഥ വിലയിരുത്തും. ആന വരുത്തിയ വിന; നാശനഷ്ടത്തിൽ ദുഃഖിതരായി കുടുംബങ്ങൾ തുറവൂർ: ആനയുടെ ആക്രമണത്തിൽ വീടും വീട്ടുപകരണങ്ങളും നഷ്ടപ്പെട്ടവരും ഓട്ടോ നഷ്ടപ്പെട്ടയാളും ഇനിയെന്തന്നറിയാതെ വിഷമിക്കുകയാണ്. തുറവൂർ അനന്തൻകരിയിൽ രമണൻ, എട്ടുകോൽത്തറ വത്സല, അനന്തൻകരിയിൽ രാധാകൃഷ്ണൻ എന്നിവർ. അന്തിയുറങ്ങാൻ കിടപ്പാടമില്ലാതെ പെരുവഴിയിലാണ് രമണ​െൻറയും വത്സലയുടെയും കുടുംബങ്ങൾ. ആന ലോറിയിൽനിന്ന് ഇറങ്ങിയോടുന്നതിനിെടയാണ് വത്സലയുടെ വീട് തകർത്തത്. വീട്ടിൽ ആരുമില്ലാതിരുന്നാൽ ദുരന്തം ഒഴിവായി. വിളറി പൂണ്ട് ആന പുളിത്തറ പാലം കയറി വരുന്നതിനിെടയാണ് രാധാകൃഷ്ണ​െൻറ ഓട്ടോ തകർത്തത്. രാധാകൃഷ്ണ​െൻറയും കുടുംബത്തി​െൻറയും ഉപജീവനമാർഗമായിരുന്നു ഓട്ടോ. മാലിന്യം നിറഞ്ഞ തോട്ടിൽനിന്ന് കയറ്റി വീടി​െൻറ മുറ്റത്ത് നിൽക്കുമ്പോഴാണ് രമണ​െൻറ വീടും വീട്ടുപകരണങ്ങളും ആന നശിപ്പിച്ചത്. ആനയെ കൊണ്ടുപോകുന്നതിനുമുമ്പ് നഷ്ടപരിഹാരം കിട്ടണമെന്നാണ് ഇവരുടെ ആവശ്യം. അഞ്ചുസ​െൻറ് സ്ഥലത്തെ ഓലകൊണ്ട് മറച്ച ഓടിട്ട വീട്ടിലാണ് രമണനും കുടുംബവും കഴിഞ്ഞിരുന്നത്. രോഗിയായ രമണ​െൻറ കുടുംബം മത്സ്യത്തൊഴിലാളിയായ ഭാര്യ ഗീതയുടെ വരുമാനത്തിലാണ് കഴിഞ്ഞിരുന്നത്. വീടും വീട്ടുപകരണങ്ങളും പൂർണമായി നഷ്ടപ്പെട്ടതിനാൽ അധികൃതരുടെയും നാട്ടുകാരുടെയും സഹായമില്ലാതെ ജീവിക്കാൻ കഴിയില്ല. ആനയെ കൊണ്ടുപോയിക്കഴിഞ്ഞാൽ അധികൃതർ തങ്ങളെ മറക്കുമെന്നാണ് ഇവർ പറയുന്നത്.