മയക്കുമരുന്ന് ഉപയോഗം ചോദ്യംചെയ്തതിന് വീടുകയറി ആക്രമിച്ചു

പള്ളുരുത്തി: വീടിനു സമീപം പൊതുറോഡിൽ മദ്യവും മയക്കുമരുന്നും ഉപയോഗിക്കുന്നത് ചോദ്യംചെയ്തതിന് വീടുകയറി ആക്രമിച്ചു. കിഴക്കേ മുണ്ടംവേലിയിലാണ് സംഭവം. പതിനാലോളം യുവാക്കൾ റോഡിൽ കുത്തിയിരുന്ന് മദ്യപിക്കുകയും ഒച്ചവെക്കുകയും ചെയ്യുന്നത് അസഹ്യമായതോടെ ചോദ്യംചെയ്ത ഈപ്പൻ (59), സഹോദരൻ നെൽസൺ (47), സഹോദര ഭാര്യ ജെറ്റ്സി നെൽസൺ (42) എന്നിവരെയാണ് സംഘം മർദിച്ചത്. ഈപ്പ​െൻറ തലക്കാണ് ഗുരുതര പരിക്ക്. കൈയും ഒടിഞ്ഞിട്ടുണ്ട്. നെൽസ​െൻറ തലക്ക് അഞ്ച് തുന്നലുകൾ ഇട്ടു. മൂവരും എറണാകുളം ജനറൽ ആശുപത്രിയിൽ ചികിത്സയിലാണ്. തോപ്പുംപടി പൊലീസ് കേസെടുത്തു.