ആലുവ: ചികിത്സ െചലവുകൾ താങ്ങാനാകാതെ വിഷമിക്കുന്ന പാവപ്പെട്ട രോഗികളെ സഹായിക്കാൻ റെസിഡൻറ്സ് അസോസിയേഷനുകളുടെ സംയുക്ത വേദിയായ 'കോറ' രംഗത്ത്. 'കോറ മെഡിസിൻ ബാങ്ക്' പദ്ധതിക്കാണ് തുടക്കംകുറിക്കുന്നത്. ചികിത്സ കഴിഞ്ഞ് ബാക്കി വരുന്ന കാലാവധി കഴിയാത്ത മരുന്നുകൾ ശേഖരിച്ച് ആവശ്യക്കാർക്ക് എത്തിച്ചുനൽകുന്നതാണ് പദ്ധതി. നഗരത്തിെൻറ വിവിധ ഭാഗങ്ങളിൽ കലക്ഷൻ ബോക്സ് സ്ഥാപിക്കും. ഇങ്ങനെ ലഭിക്കുന്ന മരുന്നുകൾ ഓരോ ആഴ്ചയിലും കോറ പ്രവർത്തകർ സംഭരിച്ച് ആലുവ ജില്ല ആശുപത്രിയിൽ ചികിത്സയിൽ കഴിയുന്നവർക്ക് നൽകാൻ അധികൃതരെ ഏൽപിക്കും. മൊത്തം 30 ബോക്സുകളാണ് ആലുവയിൽ സ്ഥാപിക്കുന്നത്. നവംബർ ഒന്നിന് രാവിലെ പത്തിന് ആലുവ സിവിൽ സ്റ്റേഷന് മുന്നിൽ ആദ്യ ബോക്സ് സ്ഥാപിച്ച് പദ്ധതിക്ക് തുടക്കം കുറിക്കുമെന്ന് ഭാരവാഹികളായ എം.എൻ. സത്യദേവൻ, പി.എ. ഹംസക്കോയ, കെ. ജയപ്രകാശ് എന്നിവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.