കൊച്ചി: യുനൈറ്റഡ് നഴ്സസ് അസോസിയേഷൻ തൃശൂരിൽ നടത്തുമെന്ന് പ്രഖ്യാപിച്ച സമരം അപ്രസക്തവും അനവസരത്തിലുമാണെന്ന് സ്വകാര്യ പ്രാക്ടീഷണർമാരുടെയും ആശുപത്രികളുടെയും സംഘടനയായ ക്വാളിഫൈഡ് പ്രൈവറ്റ് മെഡിക്കൽ പ്രാക്ടീഷനേഴ്സ് അസോസിയേഷൻ. തൊഴിൽ വകുപ്പും നഴ്സസ് യൂനിയൻ പ്രതിനിധികളും സ്വകാര്യ ആശുപത്രി മാനേജ്മെൻറ് ആൻഡ് ക്യൂ.പി.എം.പി.എ പ്രതിനിധികളും കഴിഞ്ഞ 17ന് ചർച്ചചെയ്തെങ്കിലും സമവായത്തിലെത്താൻ കഴിഞ്ഞില്ല. തൃശൂരിലെ പാവപ്പെട്ട രോഗികളെ അനാവശ്യമായി കഷ്ടപ്പെടുത്തുകയാണ്. മിനിമം വേജസ് കമ്മിറ്റി റിപ്പോർട്ടും കമ്മിറ്റി യോഗവും കഴിഞ്ഞ് ജൂൺ 27 ന് വീണ്ടും ചർച്ച ചെയ്യാനിരിക്കെയാണ് സമരം. സർക്കാറും മിനിമം വേജസ് കമ്മിറ്റിയും കോടതിയും അനുശാസിക്കുന്ന ന്യായമായ ശമ്പളപരിഷ്കാരം നടപ്പാക്കാൻ തയാറാണെന്നും പ്രസിഡൻറ് ഡോ. സി.എം. അബൂബക്കറും സെക്രട്ടറി കെ. ജനാർദനനും അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.