മാവേലിക്കര: അവധി ലഭിക്കാത്തതിനാല് വിവാഹദിവസം നാട്ടില് എത്താനാകാതെ യുവാവ്. ഇറവങ്കര ഗീതാഭവനത്തില് ശ്രീജിത്ത് യശോധരനാണ് കമ്പനി അധികൃതരുടെ കനിവ് കാത്തുകഴിയുന്നത്. കുവൈത്തില് ഗള്ഫ് റെൻറ് കാര്പോ കമ്പനിയില് ജോലി ചെയ്യുന്ന ശ്രീജിത്തിെൻറ വിവാഹം ശിവഗിരി സ്വദേശിനിയുമായി തിങ്കളാഴ്ച നിശ്ചയിച്ചിരിക്കുകയാണ്. കമ്പനി അധികൃതരുമായി സംസാരിച്ച ശേഷമാണ് വിവാഹത്തീയതി നിശ്ചയിച്ചത്. എന്നാൽ, ഇപ്പോള് അവധി നല്കാന് കഴിയില്ലെന്ന നിലപാടിലാണ് കമ്പനി. ശ്രീജിത്തിെൻറ വീട്ടുകാര് വിദേശകാര്യമന്ത്രി സുഷമ സ്വരാജിന് ഇ-മെയില് വഴി പരാതി നല്കി. തുടര്ന്ന് ഇന്ത്യന് എംബസി വിഷയത്തില് ഇടപെട്ടു. ആദ്യം അവധി നല്കാമെന്ന് അധികൃതര് സമ്മതിച്ചെങ്കിലും വീണ്ടും നിലപാട് മാറ്റി. ഇതോടെ രണ്ടാമതും വിദേശകാര്യമന്ത്രിക്ക് വീട്ടുകാര് പരാതി നല്കിയിരിക്കുകയാണ്. വിവാഹത്തിെൻറ എല്ലാ ഒരുക്കവും പൂര്ത്തീകരിച്ച് ശ്രീജിത്തിെൻറ വരവും കാത്തിരിക്കുകയാണ് കുടുംബം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.