ഫോര്ട്ട്കൊച്ചി--വൈപ്പിന് ഫെറി ബോട്ട് ലൈസന്സില്ലാതെ ഓടിച്ചത് നഗരസഭയുടെ അനാസ്ഥ- കെ.ജെ. ആൻറണി മട്ടാഞ്ചേരി: കപ്പൽ ചാലിന് കുറുകെ അഴിമുഖത്ത്ഫോര്ട്ട്കൊച്ചി- വൈപ്പിന് ഫെറിയില് സർവിസ് നടത്തുന്ന 'പാപ്പി' ബോട്ട് ലൈസന്സില്ലാത്തയാള് ഓടിച്ച സംഭവം നഗരസഭയുടെ അനാസ്ഥയാണെന്ന് നഗരസഭ പ്രതിപക്ഷ നേതാവ് കെ.ജെ. ആൻറണി പറഞ്ഞു. നഗരസഭയുടെ അധീനതയിലുള്ള ബോട്ട് ഓടിക്കുന്നത് ലൈസന്സുള്ളയാളാണോയെന്ന് അന്വേഷിക്കേണ്ടത് നഗരസഭയുടെ ഉത്തരവാദിത്തമാണ്. വിദ്യാര്ഥികള് ഉള്പ്പെടെ നൂറ് കണക്കിനാളുകള് ദിനംപ്രതി യാത്ര ചെയ്യുന്ന സർവിസാണിത്. മേഖലയിൽ സർവിസ് നടത്തുന്നതിനായി നഗരസഭ പണിതീര്ത്ത ആധുനിക ബോട്ട് ഉടന് ഇറക്കണമെന്നും അദ്ദേഹം പ്രസ്താവനയിൽ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.