അസഹിഷ്ണുതയും പകപോക്കലും സിനിമയിൽ നടമാടുന്ന ഫാഷിസം -വിനയൻ തൃപ്പൂണിത്തുറ: പക പോക്കലും അസഹിഷ്ണുതയുമാണ് സിനിമാരംഗത്ത് നടമാടുന്ന ഫാഷിസമെന്ന് സംവിധായകൻ വിനയൻ. യുവകലാസാഹിതി ജില്ല സമ്മേളനത്തിെൻറ ഭാഗമായി സംഘടിപ്പിച്ച ഫാഷിസ്റ്റ് വിരുദ്ധ സാംസ്കാരിക കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. താരസംഘടനയായ അമ്മയിലെ മുതിർന്ന അംഗങ്ങൾ ഇത്തരം പ്രവണതകൾ കണ്ടറിഞ്ഞ് തിരുത്താൻ ശ്രമിക്കാത്തതാണ് പ്രതിസന്ധിയിലേക്ക് എത്താനിടയാക്കിയതെന്നും വിനയൻ പറഞ്ഞു. സംഘാടക സമിതി ചെയർമാൻ പി.വി. ചന്ദ്രബോസ് അധ്യക്ഷത വഹിച്ചു. ടി.എൻ. ദാസ്, ഷാജി ഇടപ്പള്ളി, ഇ.സി. ശിവദാസ്, എ.കെ. സജീവൻ, എം.ആർ. സുർജിത്ത് എന്നിവർ സംസാരിച്ചു. ഒ.എൻ.വി ഗാനസ്മൃതി നടനും ഗായകനുമായ മുരളി മോഹൻ ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.