കൊച്ചി: പാലക്കാട് ജില്ലയിലെ ഗോവിന്ദാപുരം അംബേദ്കർ കോളനിയിലെ ചക്ലിയ സമുദായം നേരിടുന്ന അയിത്താചരണത്തിനെതിരെ 29ന് ഭൂ അധികാര സംരക്ഷണ സമിതി നേതൃത്വത്തിൽ ജാതി നശീകരണ ജനാധിപത്യ കൺെവൻഷൻ നടത്തും. ഗോവിന്ദാപുരം എം.ജി എൽ.പി സ്കൂൾ ഓഡിറ്റോറിയത്തിൽ നടക്കുന്ന കൺവെൻഷൻ ദലിത് അവകാശ പ്രവർത്തകൻ ജിഗ്നേഷ് മെവാനി ഉദ്ഘാടനം ചെയ്യും. ഈ സമുദായത്തോട് കാട്ടുന്ന വിവേചനം കേരളം ഭരിച്ച സർക്കാറുകൾ നിലനിർത്തിവന്ന ജാതി കോളനി സമ്പ്രദായത്തിെൻറ ഫലമാണെന്ന് സമിതി കൺവീനർ എം. ഗീതാനന്ദൻ വാർത്തസമ്മേളനത്തിൽ ആരോപിച്ചു. സർക്കാർ പിന്തുണയോടെ ചെങ്ങറയിൽ സി.പി.എം അതിക്രമം നടത്തുകയാണ്. ഇതിനെതിരെ 25ന് പത്തനംതിട്ടയിൽ കൺെവൻഷൻ നടത്തും. വാർത്തസമ്മേളനത്തിൽ ആദിജന സഭ അധ്യക്ഷൻ സി.എം ദാസപ്പൻ, സംസ്ഥാന സമിതി അംഗം കെ.പി. പ്രകാശ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.