കൊച്ചി: മെട്രോ ഓടിത്തുടങ്ങി ഒരു മാസം പിന്നിടുമ്പോള് വരുമാനത്തിൽ മികച്ച നേട്ടം. ഒരു മാസത്തിനിടെ 4,62,27,594 രൂപയാണ് വരുമാനം. പ്രതിദിനം ശരാശരി 47,646 ആളുകള് മെട്രോയുടെ സേവനം ഉപയോഗിക്കുന്നെന്ന് കെ.എം.ആർ.എല് പുറത്തുവിട്ട കണക്കുകള് സൂചിപ്പിക്കുന്നു. 20,000 മുതല് 98,000 പേരാണ് ദിനംപ്രതി സഞ്ചരിച്ചത്. പ്രവൃത്തിദിനങ്ങളില് തിരക്ക് കുറവാണെങ്കിലും ശരാശരി 20,000 പേര് ഈ ദിവസങ്ങളിലും എത്തുന്നത് മികച്ച നേട്ടമായി െക.എം.ആർ.എൽ ചൂണ്ടിക്കാട്ടുന്നു. മെട്രോ സേവനം പൊതുജനങ്ങള് മികച്ച രീതിയില് ഉപയോഗിക്കുന്നതില് കമ്പനി നന്ദി പ്രകടിപ്പിച്ചു. കുറ്റമറ്റ രീതിയില് മെട്രോ സര്വിസ് തുടരുമെന്നും വാര്ത്തക്കുറിപ്പില് വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.