ആട്ടായം-കിഴക്കേകടവ് റോഡ് തകർന്നു മൂവാറ്റുപുഴ: പായിപ്ര പഞ്ചായത്തിലെ ആട്ടായം-കിഴക്കേകടവ് റോഡ് തകർന്നു. പഞ്ചായത്തിലെ ഒമ്പത്, 10 വാർഡുകളിലൂടെ കടന്നുപോകുന്ന റോഡ് സഞ്ചാരയോഗ്യമല്ലാതായിട്ട് ഒരു പതിറ്റാണ്ട് പിന്നിട്ടു. 15 വർഷം മുമ്പ് ജില്ല പഞ്ചായത്ത് നിർമിച്ച റോഡ് ഇതിനുശേഷം അറ്റകുറ്റപ്പണി നടത്തിയിട്ടില്ല. തകർന്ന് കുണ്ടും കുഴിയുമായി മാറിയ റോഡ് സഞ്ചാരയോഗ്യമാക്കണമെന്നാവശ്യപ്പെട്ട് നാട്ടുകാർ പലതവണ പരാതിയുമായി രംഗത്തുവെന്നങ്കിലും നടപടിയുണ്ടായില്ല. മൂവാറ്റുപുഴ-കീച്ചേരിപ്പടിയിൽ നിന്നാരംഭിച്ച് മുളവൂർ, ചെറുവട്ടൂർ വഴി കോതമംഗലത്ത് അവസാനിക്കുന്ന റോഡിെൻറ മൂന്ന് കിലോമീറ്റർ ദൂരമാണ് തകർന്ന് കിടക്കുന്നത്. നൂറുകണക്കിനാളുകളും വാഹനങ്ങളും സഞ്ചരിക്കുന്ന റോഡ് സഞ്ചാരയോഗ്യമാക്കണമെന്ന് ആവശ്യപ്പെട്ട് നിരവധി സംഘടനകൾ രംഗത്തെത്തി. റോഡ് സഞ്ചാരയോഗ്യമാക്കണമെന്ന് മുസ്ലിംലീഗ് ആട്ടായം ശാഖ കമ്മിറ്റി ആവശ്യപ്പെട്ടു. ശിഹാബുദ്ദീൻ അമാനി അധ്യക്ഷത വഹിച്ചു. കെ.എം. മൊയ്തീൻ ബദരിയ്യ, ജലാൽ സ്രാമ്പിക്കൽ തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.