നെടുമ്പാശ്ശേരി: വിമാനത്താവളങ്ങൾ വഴി വൻതോതിൽ കഞ്ചാവ് ഗൾഫിലേക്ക് കടത്തുന്നതായി കണ്ടെത്തിയതിനെ തുടർന്ന് വിമാനത്താവളത്തിലെ പുറപ്പെടൽ മേഖലയിലെ പരിശോധനക്ക് കൂടുതൽ കസ്റ്റംസ് ഉദ്യോഗസ്ഥരെ നിയോഗിച്ചു. വന്നിറങ്ങുന്ന യാത്രക്കരെ പരിശോധിക്കാനാണ് മുമ്പ് ജാഗ്രത കാണിച്ചിരുന്നത്. എന്നാൽ, ഗൾഫിലേക്ക് കഞ്ചാവ് കടത്തും പണം കടത്തും സജീവമാണെന്ന് കണ്ടെത്തിയിട്ടുണ്ട്. നെടുമ്പാശ്ശേരി വഴി രണ്ട് യാത്രക്കാർ വിദേശത്തേക്ക് കടത്താനായി കൊണ്ടുവന്ന എട്ടര കിലോ കഞ്ചാവ് കഴിഞ്ഞ ദിവസം റൂറൽ എസ്.പിയുടെ പ്രത്യേക സ്ക്വാഡ് പിടികൂടിയിരുന്നു. ഇവരെ ചോദ്യം ചെയ്തപ്പോഴാണ് നിരവധി തവണ ഇത്തരത്തിൽ ഇവർ കഞ്ചാവ് കടത്തിയിരുന്നുവെന്ന് വ്യക്തമാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.