ആലങ്ങാട്: ക്ഷേമ പെൻഷൻ പദ്ധതി മരവിപ്പിച്ച നടപടി, റേഷൻ കാർഡിലെ ക്രമക്കേട്, തൊഴിലുറപ്പ് പദ്ധതിയിലെ അട്ടിമറി തുടങ്ങിയ പ്രശ്നങ്ങളിൽ പ്രതിഷേധിച്ച് കരുമാല്ലൂർ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ നടത്തി. മുൻ എം.പി കെ.പി. ധനപാലൻ ഉദ്ഘാടനം ചെയ്തു. പെൻഷൻ പദ്ധതിയും തൊഴിലുറപ്പും അട്ടിമറിച്ചാൽ കേന്ദ്ര-സംസ്ഥാന സർക്കാറുകൾക്കെതിരെ ശക്തമായ സമരപരിപാടികൾക്ക് നേതൃത്വം നൽകുമെന്ന് അദ്ദേഹം പറഞ്ഞു. മണ്ഡലം പ്രസിഡൻറ് എ.എം. അലി അധ്യക്ഷത വഹിച്ചു. ഡി.സി.സി ജനറൻ സെക്രട്ടറി കെ.വി. പോൾ, ബ്ലോക്ക് ഭാരവാഹികളായ കെ.ആർ. നന്ദകുമാർ, പി.എ. സക്കീർ, എ.എൻ. ഉണ്ണികൃഷ്ണൻ, റഷീദ് കൊടിയൻ, കുഞ്ഞുമോൻ വിലങ്ങിൽ, കെ.വി. ദാമോദരപിള്ള, വി.ഐ. കരീം, കെ.വി. ബാലകൃഷ്ണൻ, എ.ബി. അബ്ദുൽ ഖാദർ, എ.എം. അബു, ബീന ബാബു, സൈഫുന്നിസ, കെ.സി. വിനോദ് കുമാർ എന്നിവർ സംസാരിച്ചു. എ.എം. അബു സ്വാഗതവും കെ.എം. ലൈജു നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.