ആലപ്പുഴ: കോഴിയിറച്ചി വിലവർധന തടയാൻ സർക്കാർ ഇടപെടണമെന്ന് കേരള ഹോട്ടൽ ആൻഡ് റസ്റ്റാറൻറ് അസോസിയേഷൻ. ജൂലൈ ഒന്നുമുതൽ ജി.എസ്.ടി നടപ്പാക്കിയപ്പോൾ കോഴിക്ക്മേലുണ്ടായിരുന്ന 14.5 പർച്ചേഴ്സ് ടാക്സ് റദ്ദായിരിക്കുകയാണ്. ഒരുകിലോ കോഴിക്ക് 100 രൂപ ഉണ്ടായിരുന്ന സാഹചര്യത്തിൽ 14 രൂപയായിരുന്നു നികുതി. ജി.എസ്.ടി നിലവിൽ വന്നപ്പോൾ വിലകുറയേണ്ട സാഹചര്യത്തിൽ ഇപ്പോൾ കിലോക്ക് 30 രൂപയോളം വർധിക്കുകയാണ് ചെയ്തിരിക്കുന്നത്. കൃത്രിമമായി വില വർധിപ്പിക്കുന്ന കോഴി വ്യാപാരികളുടെ നടപടി പ്രതിഷേധാർഹമാണെന്ന് കെ.എച്ച്.ആർ.എ പ്രസിഡൻറ് മൊയ്തീൻകുട്ടി ഹാജിയും ജനറൽ സെക്രട്ടറി ജി. ജയപാലും പ്രസ്താവനയിൽ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.