കൊച്ചി: മെഡിക്കൽ ഫീസ് നിർണയിക്കാൻ സമിതി രൂപവത്കരിച്ച് പുറത്തിറക്കിയ ഒാർഡിനൻസും അതിെൻറ അടിസ്ഥാനത്തിലുള്ള ഫീസ് നിർണയവും റദ്ദാക്കണമെന്നാവശ്യപ്പെട്ട് ഹൈകോടതിയിൽ ഹരജി. കോഴിക്കോട് മണാേശ്ശരി കെ.എം.സി.ടി മെഡിക്കൽ കോളജ് മാനേജ്മെൻറാണ് ഹരജി നൽകിയിരിക്കുന്നത്. നിയമപരമായി നിലനിൽപില്ലാത്തതാണ് ഒാർഡിനൻസെന്ന് ഹരജിയിൽ വാദിക്കുന്നു. നിയമപരമായി വിജ്ഞാപനം ചെയ്തിട്ടില്ലാത്ത ഒാർഡിനൻസിെൻറ അടിസ്ഥാനത്തിൽ നിശ്ചയിച്ച ഫീസ് നിർണയ സമിതിയുടെ നിലനിൽപിന് സാധുതയില്ല. ഇക്കാരണത്താൽ സമിതി നിർണയിച്ച ഫീസ് നിയമവിരുദ്ധമാണ്. കമ്മിറ്റിയെടുത്ത തീരുമാനങ്ങൾ നിയമപരമായി നിലനിൽക്കുന്നതല്ല. ഏകപക്ഷീയമായാണ് 85 ശതമാനം സീറ്റിലും ഫീസ് നിർണയിച്ചത്. മാനേജ്മെൻറിെൻറ അധികാരത്തിലേക്കുള്ള കടന്നുകയറ്റമാണിത്. ഫീസ് നിരക്ക് സംബന്ധിച്ച് അന്തിമവിധിക്ക് വിധേയമായി അലോട്ട്മെൻറിന് അപേക്ഷ ക്ഷണിക്കാൻ പ്രവേശന പരീക്ഷ കമീഷണർക്ക് നിർദേശം നൽകണമെന്നാണ് ഇടക്കാല ആവശ്യമായി ഉന്നയിച്ചിട്ടുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.