നെടുമ്പാശ്ശേരി: ലഗേജിനകത്ത് എന്തൊക്കെയുണ്ടെന്ന ആവർത്തിച്ചുള്ള ചോദ്യത്തിന് നാടൻ ബോംബാണെന്ന് ഫലിതം പറഞ്ഞ യാത്രക്കാരൻ വിമാനത്താവളത്തിൽ വെട്ടിലായി. വിമാനജീവനക്കാരി ഉടൻ തന്നെ ബാഗേജിൽ ബോംബുണ്ടെന്ന് സുരക്ഷ വിഭാഗത്തിന് റിപ്പോർട്ട് ചെയ്തതോടെ യാത്രക്കാരനെ പിടികൂടി നെടുമ്പാശ്ശേരി പൊലീസിന് കൈമാറി. വെള്ളിയാഴ്ച രാവിലെ കുവൈത്ത് എയർവേസ് വിമാനത്തിൽ കുവൈത്തിലേക്ക് പോകാനെത്തിയ ചങ്ങനാശ്ശേരി സ്വദേശി അഗസ്റ്റ്യൻ തോമസാണ്(53) വെട്ടിലായത്. ടിക്കറ്റ് പരിശോധന പൂർത്തിയാക്കി ലഗേജ് പരിശോധനക്കിടെ മൂന്നു പ്രാവശ്യം ലഗേജിനകത്ത് എന്താണെന്ന മറുപടി നൽകിയിരുന്നു. ഇത് വീണ്ടും ആവർത്തിച്ചപ്പോഴാണ് നാടൻ ബോംബാണെന്ന് പറഞ്ഞത്. ഭീതിപരത്തുന്ന രീതിയിൽ പെരുമാറിയതിന് പെറ്റിക്കേസ് രജിസ്റ്റർ ചെയ്തശേഷം ഇയാളെ വിട്ടയച്ചു. അതുകൊണ്ടു തന്നെ വിമാനയാത്രയും മുടങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.