മൂവാറ്റുപുഴ: പിറവം റോഡിൽ എൻ.ജി.ഒ ക്വാർട്ടേഴ്സിന് സമീപം കുടിവെള്ള പൈപ്പ് പൊട്ടി രൂപപ്പെട്ട ഗർത്തം അപകടങ്ങൾക്ക് ഇടയാക്കുന്നു. കൊടുംവളവിൽ രൂപപ്പെട്ട കുഴിയിൽ ഇരുചക്ര വാഹന യാത്രക്കാർ ഉൾപ്പെടെ വീഴുന്നത് പതിവാണ്. മഴവെള്ളം കെട്ടിനിൽക്കുന്നതോടെ കുഴിയുടെ വലുപ്പം ആദ്യകാഴ്ചയിൽ മനസ്സിലാക്കാനാകില്ല. വാഹനങ്ങൾ കുഴിയിൽ ചാടുന്നതോടെ നിയന്ത്രണം വിടുകയാണ്. കഴിഞ്ഞദിവസം ദമ്പതികൾ സഞ്ചരിച്ച ബൈക്ക് കുഴിയിൽവീണ് മറിഞ്ഞിരുന്നു. പൈപ്പ് പൊട്ടി മാസങ്ങൾ കഴിഞ്ഞിട്ടും ജല അതോറിറ്റി എന്തെങ്കിലും നടപടി സ്വീകരിച്ചിട്ടില്ല. അപകടം വർധിച്ചതോടെ നാട്ടുകാർ അധികൃതരെ വിവരം അറിയിച്ചെങ്കിലും നിസ്സംഗത തുടരുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.