ആലുവ: നടിയെ ആക്രമിച്ച സംഭവത്തില് പി.സി. ജോര്ജ് എം.എല്.എയുടെ പ്രസ്താവന ഖേദകരമെന്ന് ദയാബായി. കോടതി തീരുമാനിക്കേണ്ട വിഷയത്തില് ഇടപെടാന് എം.എല്.എക്ക് അവകാശമില്ല. കേസില് പൊലീസ് അറസ്റ്റ് ചെയ്തയാള് പ്രതിയല്ലെന്ന് പറയുന്നത് എന്തടിസ്ഥാനത്തിലാണെന്നും ദയാബായി ചോദിച്ചു. ആലുവയില് വൈ.എം.സി.എയുടെ പരിപാടിയില് പങ്കെടുക്കാനെത്തിയതായിരുന്നു അവര്. സ്ത്രീകള് ഇരകളാകുന്ന കേസുകളില് അവര്ക്ക് അനുകമ്പയുള്ള നിലപാടാണ് സമൂഹത്തില്നിന്ന് ഉണ്ടാകേണ്ടത്. നടിയെ പീഡിപ്പിച്ച സംഭവം പുറത്തുവന്നതോടെ ഇത്തരം പല സംഭവങ്ങളും വെളിച്ചത്തുവരും. കാര്യങ്ങള് പുറത്തുപറയാന് നടി പ്രകടിപ്പിച്ച ധൈര്യം മറ്റ് സ്ത്രീകള്ക്കും മാതൃകയാകും. ബീഫ് കണ്ടെന്നു പറഞ്ഞ് ജനങ്ങളെ തല്ലിക്കൊല്ലുന്ന ഉത്തരേന്ത്യയിലെ സ്ഥിതി കേരളത്തില് ഇല്ല. ഉത്തരേന്ത്യന് സംസ്ഥാനങ്ങളില് കുറ്റകൃത്യങ്ങള് വര്ധിച്ചുവരുകയാണെന്നും അവര് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.