കേരള തീർഥാടകർക്ക് എല്ലാ പരിഗണനയും- -സൗദി നെടുമ്പാശ്ശേരി: കേരളത്തിൽനിന്നുള്ള ഹജ്ജ് തീർഥാടകർക്ക് എല്ലാ പരിഗണനയും സൗദി സർക്കാർ നൽകുമെന്ന് സൗദി കോൺസൽ ജനറൽ ഷെയ്ഖ് നൂർ അറിയിച്ചു. ജിദ്ദയിൽ വിമാനമിറങ്ങിയ 300 പേരടങ്ങിയ ആദ്യ സംഘത്തെ സൗദി സർക്കാറിനുവേണ്ടി സ്വീകരിച്ചശേഷം നെടുമ്പാശ്ശേരി അന്താരാഷ്ട്ര വിമാനത്താവളത്തിൽ താൽക്കാലികമായി പ്രവർത്തിക്കുന്ന സംസ്ഥാന ഹജ്ജ് കമ്മിറ്റി ഒാഫിസുമായി ഫോണിൽ സംസാരിക്കുകയായിരുന്നു അദ്ദേഹം. മലയാളി തീർഥാടകർ വളരെ സന്തോഷത്തിലാണ്. എന്ത് ആവശ്യമുണ്ടെങ്കിലും അവർക്ക് തങ്ങളോട് നേരിട്ട് ബന്ധപ്പെടാം വളൻറിയർമാർക്ക് എപ്പോൾ വേണമെങ്കിലും താനുമായും സൗദി സർക്കാറുമായും ബന്ധപ്പെടാവുന്നതാണ്. ഏത് സാഹചര്യത്തിലും ആവശ്യമായ സൗകര്യങ്ങൾ സൗദി സർക്കാർ ചെയ്തുകൊടുക്കുമെന്നും അദ്ദേഹം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.