കൊച്ചി: നടിയെ ആക്രമിച്ച കേസിൽ അറസ്റ്റിലായ ദിലീപിനെ പിന്തുണച്ച് സമൂഹമാധ്യമങ്ങളിലും അല്ലാതെയും പ്രതികരിക്കുന്നവർക്കെതിരെ സൈബർസെൽ അന്വേഷണം ആരംഭിച്ചു. ദിലീപിനെ പിന്തുണച്ച് സമൂഹമാധ്യമങ്ങളിൽ പ്രതികരിക്കുന്നവരുടെ വിവരങ്ങൾ സൈബർ വിഭാഗം ശേഖരിച്ചുതുടങ്ങി. നവമാധ്യമങ്ങളിൽ ദിലീപ് അനുകൂല പോസ്റ്ററുകൾ പ്രത്യക്ഷപ്പെടുന്നുണ്ട്. ദിലീപിനെ പിന്തുണച്ചും അന്വേഷണസംഘത്തെ അപകീർത്തിപ്പെടുത്തിയും നവമാധ്യമങ്ങളിൽ പ്രചാരണം നടത്താൻ ഒരുസ്ഥാപനം ക്വട്ടേഷൻ ഏറ്റെടുത്തിട്ടുണ്ടെന്ന് പൊലീസിന് വിവരം ലഭിച്ചിരുന്നു. ഇതിന് പിന്നിൽ ആസൂത്രണം നടന്നിട്ടുണ്ടെന്ന് പൊലീസ് കരുതുന്നു. സമൂഹമാധ്യമങ്ങളിൽ ദിലീപിനെ അനുകൂലിച്ച് വാർത്തകൾ പ്രചരിക്കുന്നതിനെതിരായ പരാതി ഡി.ജി.പി കൊച്ചി സൈബർ പൊലീസിന് കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.