കാസർകോട്: സമ്പൂർണ ലോക്ഡൗൺ ലംഘിച്ച് കടകൾ തുറന്നു പ്രവർത്തിച്ചതിന് രണ്ടുപേർക്കെതിരെ കാസർകോട് പൊലീസ് കേസെടുത്തു. മൊഗ്രാൽപുത്തൂരിലെ പലചരക്കുകട തുറന്നതിന് മുഹമ്മദ് അൻസാരിക്കെതിരെയും പുതിയ ബസ്സ്റ്റാൻഡിന് സമീപം കട തുറന്നതിന് വിദ്യാനഗർ സ്വദേശി റഫീഖിനെതിരെയുമാണ് കേസ്. വീട്ടമ്മയെയും മകളെയും ബന്ധുവിനെയും ആക്രമിച്ചു കാസർകോട്: വീട്ടിൽ അതിക്രമിച്ചുകയറി വീട്ടമ്മയെയും മകളെയും തടയാൻ ചെന്ന ബന്ധുവിനെയും ആക്രമിച്ച് പരിക്കേൽപിച്ചെന്ന പരാതിയിൽ ഒരാൾക്കെതിരെ പൊലീസ് കേസെടുത്തു. കസബ ബീച്ചിലെ 38കാരിയുടെ പരാതിയിൽ പള്ളം പാലത്തിന് സമീപത്തെ മിഥുൻ ഭാർഗവിനെതിെരയാണ് (38) കേസ്. കുടുംബ പ്രശ്നവുമായി ബന്ധപ്പെട്ട് കഴിഞ്ഞ ദിവസമാണ് കേസിനാസ്പദമായ സംഭവം. അതിക്രമിച്ചെത്തുകയും തടയാൻ ചെന്ന മകളെയും ബന്ധുവിനെയും ആക്രമിക്കുകയായിരുന്നുവെന്നുമാണ് പരാതി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.