കുമ്പള: കുമ്പള പഞ്ചായത്ത് പരിധിയിലെ പല മഹല്ല് കമ്മിറ്റികളും പള്ളികൾ തൽക്കാലം തുറക്കേണ്ടതില്ലെന്ന് തീരുമാനിച്ചു. പള്ളികൾ തുറക്കുകയാണെങ്കിൽ പാലിക്കേണ്ട ജാഗ്രത നിർദേശങ്ങൾ സമസ്ത പ്രസിഡൻറ് ജിഫ്രി മുത്തുക്കോയ തങ്ങൾ നൽകിയതിനു പുറമെ സംയുക്ത ജമാഅത്ത് കുമ്പള മേഖല കമ്മിറ്റിയും മഹല്ല് കമ്മിറ്റികൾക്ക് നൽകിയിട്ടുണ്ട്. പാപ്പംകോയ നഗർ ബദ്രിയ ജുമാമസ്ജിദും (തങ്ങൾ പള്ളി) കീഴിലുള്ള മറ്റു പള്ളികളും തുറക്കില്ലെന്ന് മഹല്ല് കമ്മിറ്റി അറിയിച്ചു. കുമ്പള ടൗൺ ബദ്ർ ജുമാമസ്ജിദ് തുറക്കില്ലെന്ന് ജമാഅത്ത് കമ്മിറ്റി അറിയിച്ചു. ജൂൺ 30 വരെ ഉളുവാർ ജുമാമസ്ജിദും കീഴിലുള്ള പള്ളികളും തുറക്കില്ലെന്ന് കമ്മിറ്റി ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.