കാസര്‍കോട്: ജില്ലാ സാക്ഷരതാ മിഷന്‍െറയും ജയില്‍ വകുപ്പിന്‍െറയും നേതൃത്വത്തില്‍ ജയില്‍ അന്തേവാസികള്‍ക്കായി സാക്ഷരതാ തുല്യതാ ക്ളാസുകളും തൊഴില്‍ പരിശീലനവും നടത്തും. ജില്ലയിലെ പരിപാടിക്ക് ഇന്ന് സ്പെഷല്‍ സബ്ജയിലില്‍ തുടക്കമാവും. തടവുകാരുടെ വിദ്യാഭ്യാസ-സാമൂഹിക നിലവാരം ഉയര്‍ത്തുകയാണ് പദ്ധതി ലക്ഷ്യം. ഇന്ന് ഉച്ചക്കുശേഷം മൂന്നിന് കാസര്‍കോട് സ്പെഷല്‍ സബ്ജയിലില്‍ ജില്ലാ പഞ്ചായത്ത് പ്രസിഡന്‍റ് എ.ജി.സി. ബഷീര്‍ ഉദ്ഘാടനം ചെയ്യും. കാസര്‍കോട് നഗരസഭാ ചെയര്‍പേഴ്സന്‍ ബീഫാത്തിമ ഇബ്രാഹിം അധ്യക്ഷത വഹിക്കും. ജയില്‍ വകുപ്പ് റീജനല്‍ സെല്‍ വെല്‍ഫെയര്‍ വകുപ്പ് ഓഫിസര്‍ വി.പി. സുനില്‍ കുമാര്‍ മുഖ്യപ്രഭാഷണം നടത്തും. ജില്ലാ ഇന്‍ഫര്‍മേഷന്‍ ഓഫിസര്‍ ഇ.വി. സുഗതന്‍, ജില്ലാ സാക്ഷരതാ മിഷന്‍ കോഓഡിനേറ്റര്‍ പി.പി. സിറാജ്, സബ്ജയില്‍ സൂപ്രണ്ട് പി. ബാലകൃഷ്ണന്‍, സാക്ഷരതാ മിഷന്‍ ന്യൂനപക്ഷ കോഓഡിനേറ്റര്‍ ഷാജു ജോണ്‍ തുടങ്ങിയവര്‍ പങ്കെടുക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.