തലശ്ശേരി: വടക്കുമ്പാട് പി.സി ഗുരുവിലാസം ബേസിക് യു.പി സ്കൂൾ പ്രാദേശിക പി.ടി.എ എസ്.എൻ പുരത്ത് 'അയൽപക്കം' എന്ന പേരിൽ സംഘടിപ്പിച്ചു. പനോളി വത്സലൻ ഉദ്ഘാടനം ചെയ്തു. പി.ടി.എ പ്രസിഡൻറ് കെ.പി. ബൈജു അധ്യക്ഷത വഹിച്ചു. സ്കൂൾ പ്രധാനാധ്യാപിക എ.പി. പ്രസീദ കുമാരി, പനോളി ആണ്ടി, കെ.പി. രാജൻ, ഇ. ജിജേഷ് എന്നിവർ സംസാരിച്ചു. സൈക്കോതെറപ്പിസ്റ്റ് എ.വി. രത്നകുമാർ, കെ. സുരേന്ദ്രൻ എന്നിവർ രക്ഷിതാക്കൾക്കും കുട്ടികൾക്കുമായി ക്ലാസെടുത്തു. യോഗത്തിൽ പങ്കെടുത്ത കുടുംബങ്ങൾക്ക് പാഷൻ ഫ്രൂട്ട് തൈ വിതരണം നടത്തി 'പാഷൻ ഫ്രൂട്ട് ഗ്രാമം' പദ്ധതിക്ക് തുടക്കമിട്ടു. ശാസ്ത്ര ക്ലബിൻെറ നേതൃത്വത്തിൽ മുഴുവൻ വീടുകളിലും കുട്ടികൾ തയാറാക്കിയ ഡിറ്റർജൻറുകളും വിതരണം ചെയ്തു. എസ്.എൻ പുരത്തുള്ള മുഴുവൻ വിദ്യാർഥികൾക്കും ലൈബ്രറിയിൽ മെംബർഷിപ് വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.