കണ്ണൂർ: ബി.എസ്.എൻ.എല്ലിലെ കരാർ തൊഴിലാളികളുടെ ആവശ്യങ്ങൾ മാനേജ്മൻെറ് അവഗണിക്കുന്നതിനെതിരെ മുഴുവൻ കരാർ തൊഴിലാളികളുടെയും അനിശ്ചിതകാല പണിമുടക്ക് തുടങ്ങി. കരാർ തൊഴിലാളികളുടെ ഏഴ് മാസത്തെ ശമ്പള കുടിശ്ശിക ഉടൻ നൽകുക, പിരിച്ചുവിടൽ നീക്കം അവസാനിപ്പിക്കുക, പാർടൈം സ്വീപ്പർമാരുടെ വെട്ടിക്കുറച്ച ജോലി സമയം പുനഃസ്ഥാപിക്കുക, പൊതു മേഖല സ്ഥാപനമായ ബി.എസ്.എൻ.എല്ലിനെ സംരക്ഷിക്കുക തുടങ്ങിയ ആവശ്യങ്ങൾ ഉന്നയിച്ചാണ് പണിമുടക്ക്. പണിമുടക്കിയ തൊഴിലാളികൾ കണ്ണൂർ ടെലിഫോൺ ഭവന് മുന്നിൽ ധർണ നടത്തി. സി.െഎ.ടി.യു ജില്ല സെക്രട്ടറി കെ.അശോകൻ ഉദ്ഘാടനം ചെയ്തു. സി.ബി.കെ. സന്തോഷ് അധ്യക്ഷത വഹിച്ചു. വി.വി. കൃഷ്ണൻ, പി. മനോഹരൻ, കെ. രാമചന്ദ്രൻ, പി.പി. നാരായണൻ, കെ. രാജൻ, എൻ.പി. ലീല എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.