ചൊക്ലി: പഴകിദ്രവിച്ച വൈദ്യുതിത്തൂൺ അപകടഭീഷണി ഉയർത്തുന്നു. ചൊക്ലി പള്ളിക്കടുത്തുള്ള വീടുകളിലേക്ക് വൈദ്യുതി എത്തിക്കുന്ന പ്രധാന തൂണുകളിൽ ഒന്നാണിത്. പകുതിയിൽ കൂടുതലായി ദ്രവിച്ചിരിക്കുന്ന തൂൺ മാറ്റി പുതിയ തൂൺ സ്ഥാപിക്കാൻ പരിസരവാസികൾ ബന്ധപ്പെട്ടവർക്ക് പരാതി നൽകിയെങ്കിലും നടപടിയുണ്ടാകുന്നില്ല. പുതിയ തൂൺ ഇല്ലെന്നുപറഞ്ഞ് അധികൃതർ ഒഴിഞ്ഞുമാറുകയാണെന്ന് പരിസരവാസികൾ പറഞ്ഞു. മഴക്കാലമായതിനാൽ തൂൺ ഏതുസമയവും നിലംപൊത്തുമെന്ന അവസ്ഥയിലാണ്. പ്രായമായവരും കുട്ടികളുമടക്കം ദിവസവും നൂറുകണക്കിനാളുകൾ കടന്നുേപാകുന്ന വഴിയിലാണ് കെ.എസ്.ഇ.ബിയുടെ അനാസ്ഥമൂലം പ്രദേശവാസികൾ ദുരിതമനുഭവിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.