ചെറുപുഴ: കൂലിവർധന ആവശ്യപ്പെട്ട് ചെറുപുഴ, പെരിങ്ങോം-വയക്കര പഞ്ചായത്തിലെ ചുമട്ടുതൊഴിലാളികൾ ശനിയാഴ്ച മുതൽ അനിശ ്ചിതകാല സമരം പ്രഖ്യാപിച്ചു. തൊഴിലാളികൾക്ക് കൂലി വർധന നടപ്പിലാക്കിയിട്ട് രണ്ടു വർഷത്തിലധികമായി. എഗ്രിമൻെറ് പ്രകാരം 2019 മാർച്ച്‌ 31നുള്ളിൽ കൂലി പുതുക്കേണ്ടതാണ്. സി.ഐ.ടി.യുവും ഐ.എൻ.ടി.യു.സിയും അടക്കമുള്ള തൊഴിലാളി സംഘടനകൾ നിരന്തരം ആവശ്യപ്പെട്ടിട്ടും കൂലിവർധന നടപ്പിലാക്കാൻ തയാറായില്ല. വെള്ളിയാഴ്ച ലേബർ ഓഫിസർ വിളിച്ചുചേർത്ത ചർച്ചയും പരാജയപ്പെട്ടതിനെ തുടർന്നാണ് ശനിയാഴ്ച മുതൽ സമരത്തിലേക്ക് കടക്കുന്നത്. സമരപ്രഖ്യാപനം നടത്തിയ തൊഴിലാളികൾ വെള്ളിയാഴ്ച വൈകീട്ട് ചെറുപുഴ ടൗണിൽ പ്രകടനം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.