യൂനിവേഴ്സിറ്റി കോളജ് സംഭവം: വെളിവാകുന്നത് എസ്.എഫ്.ഐ അക്രമരാഷ്ട്രീയത്തിൻെറ വികൃതമുഖം -ഉമ്മൻ ചാണ്ടി തളിപ്പറമ്പ ്: തിരുവനന്തപുരം യൂനിവേഴ്സിറ്റി കോളജിൽ കണ്ടത് എസ്.എഫ്.ഐ അക്രമരാഷ്ട്രീയത്തിൻെറ ഏറ്റവും വികൃതമായ മുഖമാണെന്ന് മുൻ മുഖ്യമന്ത്രിയും എ.ഐ.സി.സി ജനറൽ സെക്രട്ടറിയുമായ ഉമ്മൻ ചാണ്ടി ആരോപിച്ചു. കാമ്പസിൽ ഓഫിസ് പ്രവർത്തിപ്പിച്ച് ആയുധങ്ങൾ ശേഖരിക്കുകയാണെന്നും അദ്ദേഹം കുറ്റപ്പെടുത്തി. തളിപ്പറമ്പ് ബക്കളത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം. വിദ്യാർഥി രാഷ്ട്രീയമെന്നാൽ കലാപ രാഷ്ട്രീയമല്ല. കോളജിൽ മറ്റു വിദ്യാർഥിസംഘടനകൾക്ക് പ്രവർത്തനസ്വാതന്ത്ര്യമില്ല. സ്വന്തം ഘടകകക്ഷിയായ എ.ഐ.എസ്.എഫിനുപോലും എസ്.എഫ്.ഐ പ്രവർത്തനസ്വാതന്ത്ര്യം നിഷേധിക്കുകയാണെന്നും ഉമ്മൻ ചാണ്ടി പറഞ്ഞു. കലാലയത്തിലെ അക്രമ രാഷ്ട്രീയത്തെയാണ് രക്ഷിതാക്കളും പൊതുസമൂഹവും എതിർക്കുന്നത്. വിദ്യാർഥി രാഷ്ട്രീയത്തെയല്ല. ഇപ്പോഴുണ്ടായ തെറ്റ് സി.പി.എം ഇടപെട്ട് തിരുത്തണമെന്നും അദ്ദേഹം ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.