പയ്യന്നൂർ: മഹാദേവ ഗ്രാമം കൾചറൽ മൂവ്മെൻറ് അഭ്യസിപ്പിച്ച അഞ്ചു മുതൽ 18 വയസ്സുവരെയുള്ള 24 കുട്ടികളുടെ കോൽക്കളി, ചരടുകുത്തി കോൽക്കളി അരങ്ങേറ്റം ഞായറാഴ്ച മഹാദേവ ഗ്രാമത്തിൽ നടക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. രാവിലെ 7.30ന് സുബ്രഹ്മണ്യസ്വാമി ക്ഷേത്രത്തിൽ കോൽക്കളി കെ.പി. മധു ഉദ്ഘാടനം ചെയ്യും. വൈകീട്ട് അഞ്ചരക്ക് അരങ്ങേറ്റം ടി.വി. രാജേഷ് എം.എൽ.എ ഉദ്ഘാടനം ചെയ്യും. അരങ്ങേറ്റത്തിനുശേഷം നൂറോളം കലാകാരന്മാർ അണിനിരക്കുന്ന കോൽക്കളി പ്രദർശനം അരങ്ങേറും. ഭാരവാഹികളായ ആർ.കെ.വി. രാജേഷ്, കെ. ശിവകുമാർ, ടി.എ. രാജീവൻ, രാജീവൻ ആനാടിൽ, കെ.വി. ശശിധരൻ എന്നിവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.