ഭുവനേശ്വർ: ചിട്ടി തട്ടിപ്പുകേസുകളുമായി ബന്ധപ്പെട്ട് സീഷോർ ഗ്രൂപ് ചീഫ് മാനേജിങ് ഡയറക്ടർ പ്രശാന്ത് ദാസിനെ പൊലീസ് അറസ്റ്റ് ചെയ്തു. മൂന്ന് കേസുകളിലാണ് അറസ്റ്റ്. ചിട്ടി തട്ടിപ്പുമായി ബന്ധപ്പെട്ട മറ്റ് കേസുകളിൽ ജയിലിലായിരുന്ന ദാസ് വെള്ളിയാഴ്ചയാണ് ജാമ്യത്തിലിറങ്ങിയത്. 2013 ൽ രജിസ്റ്റർ ചെയ്ത കേസിൽ ഝാർപാരയിലെ വസതിയിൽനിന്നാണ് ദെങ്കാനൽ പൊലീസ് ശനിയാഴ്ച വീണ്ടും അറസ്റ്റ് ചെയ്തത്. നിക്ഷേപകരിൽനിന്ന് ഏഴ് കോടിയോളം ഇയാൾ തട്ടിയെടുത്തതായാണ് കേസ്. നിക്ഷേപകർക്ക് പണം മടക്കിനൽകുമെന്നും ജാമ്യത്തിനായി കോടതിയെ സമീപിക്കുമെന്നും ദാസ് പ്രതികരിച്ചു. 500 കോടിയുടെ സീഷോർ ഗ്രൂപ് ചിട്ടിഫണ്ട് തട്ടിപ്പ് കേസിൽ 2013ലാണ് ഇയാളെ ആദ്യം ഒഡിഷ പൊലീസ് ക്രൈംബ്രാഞ്ച് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.