ഇരിട്ടി: ട്രഷറി നിയന്ത്രണം പിൻവലിച്ച് കമീഷൻ കുടിശ്ശിക ഉടൻ അനുവദിക്കുക, ആദായ നികുതിയിൽനിന്നും റേഷൻ വ്യാപാരികളെ ഒഴിവാക്കുക തുടങ്ങിയ ആവശ്യങ്ങൾ ഉന്നയിച്ച് റേഷൻ ഡീലേഴ്സ് അസോസിയേഷൻ (എ.കെ.ആർ.ആർ.ഡി.എ) ഇരിട്ടി താലൂക്ക് കമ്മിറ്റിയുടെ ആഭിമുഖ്യത്തിൽ ഇരിട്ടി സബ് ട്രഷറിക്കുമുന്നിൽ ധർണ നടത്തി. ജില്ല പഞ്ചായത്ത് അംഗം തോമസ് വർഗീസ് ഉദ്ഘാടനം ചെയ്തു. സംസ്ഥാന കമ്മിറ്റി അംഗം പി.കെ. ബാലകൃഷ്ണൻ അധ്യക്ഷത വഹിച്ചു. താലൂക്ക് കമ്മിറ്റി വർക്കിങ് പ്രസിസൻറ് എ.ടി. രാമൻ, ജില്ല കമ്മിറ്റി മെംബർമാരായ പി.വി. കുര്യൻ, പി. കുഞ്ഞിരാമൻ, താലൂക്ക് കമ്മിറ്റി മെംബർമാരായ എൻ. ദിവാകരൻ, കെ.എൻ. രാമകൃഷ്ണൻ, എം. വത്സൻ എന്നിവർ സംസാരിച്ചു. ഇരിട്ടി താലൂക്ക് കമ്മിറ്റി സെക്രട്ടറി പി. സജി സ്വാഗതം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.