പാപ്പിനിശ്ശേരി: പാപ്പിനിശ്ശേരി റെയിൽവേ ഗേറ്റിനു സമീപത്തെ ഓവുചാൽ പുതുക്കിപ്പണിയുന്നത് മുൻതീരുമാനപ്രകാരമല്ലാതെ അശാസ്ത്രീയമാണെന്ന് ചൂണ്ടിക്കാട്ടി നാട്ടുകാർ പ്രതിഷേധിച്ചു. ഇപ്പോൾ നടക്കുന്ന പ്രവൃത്തിപ്രകാരം മാർക്കറ്റിൽനിന്ന് ഗേറ്റുവഴി വരുന്ന ഓവുചാലിലെ വെള്ളവും ഗേറ്റിനു പരിസരത്തെ ഓവുചാലിൽനിന്ന് വരുന്ന വെള്ളവും നേരിട്ട് അടിപ്പാതയിലേക്ക് എത്തിച്ചേരുന്നതരത്തിലാണ് നിർമാണം. ഇത്തരത്തിൽ പ്രവൃത്തി നടത്തിയാൽ മഴക്കാലത്ത് അടിപ്പാത മുഴുവനും വെള്ളത്തിനടിയിലാകുമെന്ന് നാട്ടുകാർ പറഞ്ഞു. പഞ്ചായത്ത് മെംബർ ഷാഫിയുടെയും സി.പി.എം നേതാവ് വി.വി. പവിത്രെൻറയും നേതൃത്വത്തിൽ കെ.എസ്.ടി.പി-റെയിൽവേ അധികൃതരെ ഫോണിൽ ബന്ധപ്പെട്ടെങ്കിലും പ്രവൃത്തി പുരോഗമിക്കുകയാണ്. ഇപ്പോൾ നിർമിക്കുന്ന ഓവുചാൽ അടിപ്പാതയിൽനിന്ന് ഉയർന്നാണ് നിൽക്കുന്നത്. സ്ഥലത്ത് കെ.എസ്.ടി.പി എൻജിനീയർമാരോ കരാറുകാരെൻറ ഉത്തരവാദപ്പെട്ടവേരാ സ്ഥലത്തില്ലാതെ തൊഴിലാളികളുടെ മാത്രം ഇഷ്ടപ്രകാരമാണ് പ്രവൃത്തി നടക്കുന്നതെന്ന് നേതാക്കൾ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.