കണ്ണൂർ: ലീഗൽ സർവിസ് സൊസൈറ്റിയുടെ നേതൃത്വത്തിൽ മുതിർന്ന പൗരന്മാർക്കായി നിയമസേവന ക്യാമ്പ് നടത്തി. ആയിരത്തോളം പരാതികളാണ് ക്യാമ്പിൽ ലഭിച്ചത്. അർഹരായ മുതിർന്നപൗരന്മാർക്ക് വിവിധ പദ്ധതി ആനുകൂല്യങ്ങളുടെ അപേക്ഷകളും അതുസംബന്ധിച്ചുള്ള പരാതികളും സ്റ്റാളുകളിൽ വിവരിച്ചു. സ്വകാര്യവ്യക്തികളുമായും സർക്കാർ--അർധസർക്കാർ സ്വകാര്യ സ്ഥാപനങ്ങളുമായും മുതിർന്ന പൗരന്മാർക്കുള്ള തർക്കങ്ങളും പരാതികളും സംബന്ധിച്ച് നിയമോപദേശവും നിർദേശങ്ങളും ക്യാമ്പിൽ നൽകി. വയോമിത്രം, പാലിയേറ്റിവ്കെയർ, ആരോഗ്യം, റവന്യൂ, കുടിവെള്ളം, പഞ്ചായത്ത്, പൊതുമരാമത്ത്, തുടങ്ങിയ സ്റ്റാളുകളും ഉണ്ടായിരുന്നു. വിവിധ വകുപ്പുകളുമായി ബന്ധപ്പെട്ട് അറുനൂറോളം പരാതികൾ ലഭിച്ചു. മറ്റു കേസുകളിൽ ആവശ്യമായ നിയമോപദേശവും മുതിർന്ന പൗരന്മാർക്ക് നൽകി. കണ്ണൂർ താലൂക്കിലെ മുതിർന്ന പൗരന്മാർക്കായി നടത്തിയ ക്യാമ്പിൽ 1500 പേർ പങ്കെടുത്തു. ജില്ല ജഡ്ജി ആർ. രഘു ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.