കണ്ണൂർ: കൊലപാതക രാഷ്ട്രീയത്തിനെതിരെ വെൽഫെയർ പാർട്ടി കണ്ണൂരിൽ അമ്മമാരുടെ രാപ്പാർക്കൽ സമരം നടത്തുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. ഫെബ്രുവരി 26ന് വൈകീട്ട് നാലു മുതൽ 27ന് രാവിലെ 10 വരെ കലക്ടറേറ്റ് പടിക്കലാണ് സമരം. മനുഷ്യനെ പച്ചയായി വെട്ടിനുറുക്കി കൊലപ്പെടുത്തുന്ന രാഷ്ട്രീയ ഭീകരതക്കെതിരെ 'നിർത്തൂ ചോരക്കളി' എന്ന താക്കീതുമായി നാളിതുവരെയുള്ള മുഴുവൻ രാഷ്ട്രീയ കൊലപാതകങ്ങളും പുനരന്വേഷിക്കുക, മുഴുവൻ പ്രതികളെയും ഗൂഢാേലാചന നടത്തിയ നേതാക്കളെയും തുറുങ്കിലടക്കുക എന്നീ ആവശ്യങ്ങൾ ഉന്നയിച്ചാണ് രാപ്പാർക്കൽ. 26ന് ൈവകീട്ട് നാലിന് വെൽഫെയർ പാർട്ടി സംസ്ഥാന പ്രസിഡൻറ് ഹമീദ് വാണിയമ്പലം ഉദ്ഘാടനം ചെയ്യും. സംസ്ഥാന സെക്രട്ടറി ശ്രീജ നെയ്യാറ്റിൻകര, വിവിധ സാമൂഹിക സാംസ്കാരിക സംഘടന നേതാക്കൾ എന്നിവർ സമരത്തെ അഭിവാദ്യം ചെയ്യും. വാർത്തസമ്മേളനത്തിൽ ജില്ല പ്രസിഡൻറ് ജബീന ഇർഷാദ്, ഭാരവാഹികളായ ഷാഹിന ലത്തീഫ്, ത്രേസ്യാമ്മ മാളിയക്കൽ, സാജിത സജീർ, രമാദേവി എന്നിവർ പെങ്കടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.