തലശ്ശേരി: കണ്ണൂർ ജില്ല ബി ഡിവിഷൻ ലീഗ് ക്രിക്കറ്റിൽ തലശ്ശേരി ടൗൺ ക്രിക്കറ്റ് ക്ലബ് അഞ്ചു വിക്കറ്റിന് കണ്ണാടിപ്പറമ്പ് ഫ്രൻഡ്സ് ക്രിക്കറ്റ് ക്ലബിനെ പരാജയപ്പെടുത്തി. ആദ്യം ബാറ്റ് ചെയ്ത ഫ്രൻഡ്സ് ക്രിക്കറ്റ് ക്ലബ് നിശ്ചിത 25 ഓവറിൽ ഒമ്പതു വിക്കറ്റ് നഷ്ടത്തിൽ 122 റൺസെടുത്തു. മറുപടിയായി ടൗൺ ക്രിക്കറ്റ് ക്ലബ് 22.2 ഓവറിൽ അഞ്ചു വിക്കറ്റ് നഷ്ടത്തിൽ വിജയലക്ഷ്യം നേടി. പുറത്താകാതെ 51 റൺസ് നേടി ടൗൺ ക്രിക്കറ്റ് ക്ലബ് താരം അസീം അഷ്റഫ് കളിയിലെ താരമായി. രണ്ടാം മത്സരത്തിൽ കണ്ണൂർ യുനൈറ്റഡ് ക്രിക്കറ്റ് ക്ലബ് ഒമ്പതു വിക്കറ്റിന് തലശ്ശേരി മാസോയെ പരാജയപ്പെടുത്തി. ആദ്യം ബാറ്റ് ചെയ്ത മാസോ 16.3 ഓവറിൽ 90 റൺസിന് എല്ലാവരും പുറത്തായി. മറുപടിയായി കണ്ണൂർ യുനൈറ്റഡ് ക്രിക്കറ്റ് ക്ലബ് 12.5 ഓവറിൽ ഒരു വിക്കറ്റ് നഷ്ടത്തിൽ വിജയലക്ഷ്യത്തിലെത്തി. നാലു വിക്കറ്റ് നേടിയ കണ്ണൂർ യുനൈറ്റഡ് ക്രിക്കറ്റ് ക്ലബ് താരം ഗോകുൽ വി. രാജാണ് കളിയിലെ ഹീറോ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.