തലശ്ശേരി: കണ്ണൂർ ജില്ല ബി ഡിവിഷൻ ലീഗ് ക്രിക്കറ്റിൽ തിരുവങ്ങാട് ഫിനിക്സ് ക്രിക്കറ്റ് ക്ലബ് 36 റൺസിന് തലശ്ശേരി വാലിയൻറ് ക്ലബിനെ പരാജയപ്പെടുത്തി. ആദ്യം ബാറ്റ് ചെയ്ത ഫിനിക്സ് നിശ്ചിത 25 ഓവറിൽ അഞ്ച് വിക്കറ്റ് നഷ്ടത്തിൽ 153 റൺസെടുത്തു. മറുപടിയായി വാലിയൻറ് ക്ലബ് 22.5 ഓവറിൽ 117 റൺസിന് എല്ലാവരും പുറത്തായി. മൂന്ന് വിക്കറ്റും പുറത്താകാതെ 22 റൺസും നേടിയ ഫിനിക്സ് താരം നവകുമാർ കളിയിലെ താരമായി. രണ്ടാം മത്സരത്തിൽ കണ്ണൂർ യങ്സ്റ്റേഴ്സ് ക്രിക്കറ്റ് ക്ലബ് അഞ്ച് വിക്കറ്റിന് കണ്ണൂർ ബ്രദേഴ്സ് ക്രിക്കറ്റ് ക്ലബിനെ പരാജയപ്പെടുത്തി. ആദ്യം ബാറ്റ് ചെയ്ത കണ്ണൂർ ബ്രദേഴ്സ് ക്രിക്കറ്റ് ക്ലബ് 20.5 ഓവറിൽ 106 റൺസിന് എല്ലാവരും പുറത്തായി. മറുപടിയായി യങ്സ്േറ്റഴ്സ് ക്രിക്കറ്റ് ക്ലബ് 19 ഓവറിൽ അഞ്ച് വിക്കറ്റ് നഷ്ടത്തിൽ വിജയ ലക്ഷ്യം നേടി. മൂന്ന് വിക്കറ്റും 17 റൺസും നേടി യങ്സ്റ്റേഴ്സ് താരം ഷിബു കളിയിലെ സ്റ്റാറായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.