തലശ്ശേരി: കണ്ണൂർ ജില്ല ബി ഡിവിഷൻ ലീഗ് ക്രിക്കറ്റിൽ തലശ്ശേരി മട്ടാമ്പ്രം ആർട്സ് ആൻഡ് സ്പോർട്സ് ഓർഗനൈസേഷൻ (മാസോ) 16 റൺസിന് മുഴപ്പിലങ്ങാട് വി.പി.ആർ ക്ലബിനെ പരാജയപ്പെടുത്തി. ആദ്യം ബാറ്റ് ചെയ്ത മാസോ നിശ്ചിത 25 ഓവറിൽ ഏഴു വിക്കറ്റ് നഷ്ടത്തിൽ 136 റൺസെടുത്തു. മറുപടിയായി വി.പി.ആർ ക്ലബിന് നിശ്ചിത ഓവറിൽ ഏഴ് വിക്കറ്റ് നഷ്ടത്തിൽ 120 റൺസ് എടുക്കാനേ സാധിച്ചുള്ളൂ. മൂന്ന് വിക്കറ്റ് നേടിയ മാസോ താരം കെ. മുജീബ് മാൻ ഓഫ് ദ മാച്ചായി. രണ്ടാം മത്സരത്തിൽ ധർമടം സീഹോക്ക് ക്രിക്കറ്റ് ക്ലബ് ആറ് വിക്കറ്റിന് തലശ്ശേരി ടൗൺ ക്രിക്കറ്റ് ക്ലബിനെ പരാജയപ്പെടുത്തി. ആദ്യം ബാറ്റ്ചെയ്ത 23.2 ഓവറിൽ 121 റൺസിന് എല്ലാവരും പുറത്തായി. മറുപടിയായി സീഹോക്ക് ക്രിക്കറ്റ് ക്ലബ് 23.1 ഓവറിൽ നാലു വിക്കറ്റ് നഷ്ടത്തിൽ വിജയലക്ഷ്യം നേടി. പുറത്താകാതെ 63 റൺസെടുത്ത സീഹോക്ക് താരം പി. ഷിബാസ് കളിയിലെ താരമായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.