പെരിങ്ങത്തൂർ: സ്കൗട്ട് ആൻഡ് ഗൈഡ് തലശ്ശേരി നോർത്ത് ലോക്കൽ അസോസിയേഷൻ കനകമലയിലേക്ക് പ്രകൃതി പഠനയാത്ര നടത്തി. തരുവണത്തെരു യു.പി സ്കൂൾ, ഗവ. വൊക്കേഷനൽ ഹയർ സെക്കൻഡറി സ്കൂൾ കതിരൂർ, വടക്കുമ്പാട് ഗവ. ഹയർ സെക്കൻഡറി സ്കൂൾ എന്നിവിടങ്ങളിലെ വിദ്യാർഥികളാണ് കനകമലയിലെത്തിയത്. പാനൂർ നഗരസഭ കൗൺസിലർ വി. ഹാരിസ് ഉദ്ഘാടനം ചെയ്തു. സ്കൗട്ട് ആൻഡ് ഗൈഡ് ജില്ല സെക്രട്ടറി പി. ബിജോയ് അധ്യക്ഷത വഹിച്ചു. പി.കെ. പ്രിയേഷ് സ്വാഗതവും ബിന്ദു കതിരൂർ നന്ദിയും പറഞ്ഞു. പത്രപ്രവർത്തകനും പരിസ്ഥിതി പ്രവർത്തകനുമായ ദേവദാസ് മത്തത്ത് പ്രകൃതി പഠന ക്ലാസിന് നേതൃത്വം നൽകി. അധ്യാപകരായ പി.കെ. പ്രിയേഷ്, ബിന്ദു കതിരൂർ, കുശല, ഷീബ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.