പാനൂർ: പാനൂർ ഉപജില്ല സ്കൂൾ കലോത്സവം തുടങ്ങി. മൊകേരി രാജീവ് ഗാന്ധി മെമ്മോറിയൽ ഹയർ സെക്കൻഡറി സ്കൂളിൽ പാനൂർ ബ്ലോക്ക് പഞ്ചായത്ത് പ്രസിഡൻറ് കെ.ഇ. കുഞ്ഞബ്ദുല്ല ഉദ്ഘാടനം ചെയ്തു. മൊകേരി പഞ്ചായത്ത് പ്രസിഡൻറ് ടി. വിമല അധ്യക്ഷത വഹിച്ചു. സുവനീർ പ്രകാശനം എ.ഇ.ഒ സി.കെ. സുനിൽ കുമാർ നിർവഹിച്ചു. പ്രിൻസിപ്പൽ എ.കെ. പ്രേമദാസൻ ആദ്യപ്രതി ഏറ്റുവാങ്ങി. ടി.ടി. റംല, വി.പി. ഷൈനി, പി. അരവിന്ദൻ, സി.പി. സുധീന്ദ്രൻ, കെ. തങ്കം, രാജീവൻ പാനുണ്ട, ആർ.കെ. നാണു, ടി. പ്രദീപൻ, കെ. സുവീൺ, എ.കെ. സുധാമണി, സി. മോഹനൻ എന്നിവർ സംസാരിച്ചു. 22ന് നടക്കുന്ന സമാപന സമ്മേളനം കൂത്തുപറമ്പ് ബ്ലോക്ക് പഞ്ചായത്ത് പ്രസിഡൻറ് എ. അശോകൻ ഉദ്ഘാടനം ചെയ്യും. ഉപജില്ലയിലെ 70 സ്കൂളുകളിലെ 3000ത്തോളം കലാപ്രതിഭകൾ പത്ത് വേദികളിലായി കലോത്സവത്തിൽ മാറ്റുരക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.